Volgvoete

Almal wat graag aan die samesang van lofliedere wil deelnaam, is welkom, op ‘n Donderdagoggend, vanaf 7:00 – 7:25

Volgvoete is ‘n vrywillige aktiwiteit, waartydens die toepassing van waarde en norms, in die alledaagse lewenssituasies, deur ds. Yolandi Kok en personeellede aangebeied word.

Juniorkoor

Die Havies se juniorkoor bestaan uit singende rakkers wat harte propvol musiek het!

Daar word aan die leerders ten minste vier verskillende liedjies geleer.

Die koorlede word gekies vanaf Graad 2 tot 4.

Oudisies word gehou deur die koorafrigters.

Die koor bestaan uit ongeveer 75 tot 80 leerders. Mnr JW Potgieter is die afrigter, Gielie Swiegers is die begeleier en juf. Danelle Reitsma die organiseerder.

Seniorkoor

Die Surikata(meerkatfamilie) bestaan elke jaar uit gemiddeld 90-100 koorlede.

Mnr JW en Gielie is in beheer van die optredes en Juf. Leoni is die koor-organiseerder.

Surikata het ook al saam baie bekende mense opgetree soos Jak de Priester, Dewald Wasserfall en Jo Foster om maar net ‘n paar te noem. Ons sien uit om jou deel te maak van ons wonderlike Senior-koor.

Stokperdjieklub

Die doel van die stokperdjieklub is om die leerders se handvaardighede te verbeter, sodat hulle artikels kan maak of verfraai deur van verskillende metodes en tegnieke gebruik te maak.

Die leerders word geleer hoe om met “mod podge” te werk en verskillende media te gebruik bv. papier, materiaal, en servette op glas, hout en lap. Kralewerk word gedoen en verskillende artikels word gemaak.

Die leerders verf ook op lap, voorbereide verfborde en houtborde, asook glasborde. Handgemaakte kaartjies word gemaak, draad en kralewerk word gedoen en kerse word versier.

Ons poog om by te bly met die nuutste produkte op die mark en jaarliks word nuwe produkte uitgetoets wat beskikbaar gestel word in die winkels.

Revue Elite

Die Happy Feet revue groep is ‘n eksklusiewe dansgroep wat deelneem aan eksterne kompetsisie, die Tshwane Jeugkunstefees. Gr. 4 tot Gr. 7 leerders moet by ‘n oudisie kwalifiseer en word dan verkies. Die Happy Feet groep is ‘n geleentheid vir leerders om aan groot verhoë, beligting en kostuums blootgetsel word.

Leerders geniet hierdie aktiwiteit en doen moeite om oudisies by te woon en te kwalifiseer.

Personeel: Juf. Elria Lennon, Juf. Magda Griezel en Juf Cherilique Trusler.